ანდრია ბართიშვილი კარიერას ლონდონის არსენალში გააგრძელებს

ქართული (ინსაიდერული) სპორტული გვერდის, GEO TEAM-ის ინფორმაციით, 17 წლის ქართველი ტალანტი, ანდრია ბართიშვილი, კარიერას ლონდონის არსენალში გააგრძელებს. ნახევარმცველი ლონდონში 1-ელ სექტემბერს, სამედიცინო შემოწმებისთვის უნდა ჩავიდეს.

მხარეებს შორის 5-წლიანი კონტრაქტი გაფორმდება და არსენალი ქართველი შემტევის ტრანსფერში 4.5 მილიონს გადაიხდის. ანდრია ბართიშვილი ახალ კლუბს მხოლოდ 2027 წლის ზაფხულიდან შეუერთდება - მას შემდეგ, რაც მას 18 წელი შეუსრულდება.

კვირების წინ, Daily Mail-მა გაავრცელა ინფორმაცია, რომ არსენალის სკაუტები იბერია 1999-სა და ჩრდილოეთ ირლანდიური ლარნეს, ევროპა ლიგის საკვალიფიკაციო მატჩს დაესწრნენ, რათა ბართიშვილის თამაში პირადად შეეფასებინათ.