ჰოილუნი რონალდუს პირადი ფანი ყოფილა - რა მოხდა პორტუგალიასთან მატჩში?

ერთა ლიგის მესამე ტურში, პორტუგალიამ დანია დამაჯერებლად, 2:4 დაამარცხა. გამარჯვებულთაგან გოლები ჟოაუ კანსელუმ, გონსალუ რამოშმა, ვიტინიამ და ჟოაუ ფელიქსმა გაიტანეს.

მსასჯის საფინალო სასტვენისთანავე, ჰოილუნი სტუმართა თავკაცს მიუახლოვდა და მკერდზე რამდენჯერმე ძლიერად წამოარტყა ხელი. გულშემატკივრებმა ეს ჟესტი მყისიერად აღიქვეს, როგორც პირდაპირი გზავნილი კრიშტიანუ რონალდუს მხარდასაჭერად - დანიელი ფორვარდის კერპმა პორტუგალიის ნაკრების ბანაკი სწორედ ამ კვირაში, ჟეზუსის მიერ შემადგენლობიდან ამოღების შემდეგ დატოვა.

ხაზგასასმელია, რომ დანიელი თავდამსხმელის რეალური განზრახვა ჯერ კიდევ განხილვის საგანია: მომხდარ ეპიზოდზე კომენტარი ჯერჯერობით არც ჰოილუნს გაუკეთებია და არც ჟორჟე ჟეზუსს.

ამ მატჩში გამათანაბრებელი გოლი სწორედ ჰოილუნმა გაიტანა (2:2) და რონალდუს სტილში (SIU) აღნიშნა. ეს პირველი შემთხვევა არ არის, როდესაც ჰოილუნმა პორტუგალიელი ლეგენდის ჟესტი გაიმეორა. ეს ნაკრებები ერთა ლიგაზე ერთმანეთს 2025 წელსაც შეხვდნენ (მაშინ დანიამ 1:0 გაიმარჯვა). ჰოილუნმა, იმ ფონზე, როდესაც კადრში თავად რონალდუც ჩანდა, გოლი ზუსტად პორტუგალიელის სტილში აღნიშნა.