ჰანსი ფლიკი: "ატლეტიკოსთან სხვა დონეზე ასული ბარსელონა ვნახეთ"

ლა ლიგის მე-19 ტურის შეხვედრა ბარსელონამ შუა კვირაში ჩაატარა და ატლეტიკო მადრიდს 'ნოუ კამპზე' 3:1 მოუგო. ბარსელონამ, მიმდინარე სეზონში, რამდენიმე პრინციპული თამაში წააგო (რეალთან, ჩელსისთან) და ამ გამარჯვებამ ჰანსი ფლიკს სიამაყის საბაბი მისცა.

იმის გამო, რომ რეალმა ლა ლიგაში ზედიზედ 3 ფრე ითამაშა, ბარსელონა ცხრილის სათავეში მოექცა (37 ქულით). რეალს 33 ქულა და ერთი თამაშით ნაკლები აქვს - დღეს ატლეტიკ ბილბაოს წინააღმდეგ ითამაშებს და მოგების შემთხვევაშიც მეორე ადგილზე დარჩება.