გიორგი წიტაიშვილი დღეს გრანადას ვერ დაეხმარება

ლა ლიგა 2-ში დღეს "გრანადა" "ტენერიფეს" მიიღებს, როგორც ადგილობრივი პრესა წერს, ამ შეხვედრაში მონაწილეობას გრანადას ქართველი შემტევი, გიორგი წიტაიშვილი ვერ მიიღებს.

გიორგიმ უკვე გამოტოვა საკუთარი კლუბის ერთი თამაში. 13 ოქტომბერს გრანადამ "კორდობას" 1:0, წიტაიშვილის გარეშე მოუგო, რადგან ქართველი ამ დროს სანაკრებო შეკრებაზე იმყოფებოდა. გრანადას მწვრთნელმა, ფრან ესკრიბამ, ოქტომბრის სანაკრებო თამაშებისას უკმაყოფილება გამოხატა, რომ მისი ფეხბურთელი მნიშვნელოვან თამაშებში ერთა ლიგის გამო არ ეყყოლებოდა.

9 ტურის შემდეგ გრანადას 13 ქულა აქვს და ესპანეთის რანგით მეორე ჩემპიონატში მე-13 პოზიციას იკავებს. გიორგის გრანადას მაისურით 1 გოლი და 1 საგოლე გადაცემა აქვს შესრულებული.