გიორგი მიქაუტაძის შეძენით ევროპული გრანდები დაინტერესდნენ
საქართველოს ეროვნული ნაკრების თავდამსხმელი, გიორგი მიქაუტაძე, ევროპის ჩემპიონატის ჯგუფური ეტაპის შემდეგ, ბევრი კლუბისთვის სასურველი ფორვარდი გახდა.
რამდენიმე წუთის წინ, ბრიტანულ მედიაში გავრცელებული ინფორმაციით, 23 წლის ქართველი ფორვარდის და ამჟამად, ევროპის ჩემპიონატის ბომბარდირის შეძენით, პრემიერ ლიგური კლუბი "ნიუკასლია" დაინტერესებული.
გარდა "კაჭკაჭებისა", 23 წლის ქართველი ფეხბურთელი: "დორტმუნდის"; "ნაპოლის", "ლიონის", "მონაკოსა" და "მარსელის" სატრანსფერო რადარებზეა.
🚨 🇬🇪 Newcastle United are interested in signing Georgia forward, Georges Mikautadze.
— 𝗠𝗼𝘂𝘁𝗵 𝗼𝗳 𝘁𝗵𝗲 𝗧𝘆𝗻𝗲 #NUFC (@ToonMouthTyne) June 27, 2024
He signed for Metz permanently this summer after his loan from Ajax ended but Metz have been relegated to Ligue 2 and he could seek a new challenge.
€25M fee. #NUFC Via @SportsPeteO pic.twitter.com/odOv9OqGFB
პოპულარული გერმანული სატრანსფერო და სტატისტიკური პლატფორმის, Transfermarkt-ის მონაცემებით, საქართველოს ნაკრებისა და "მეცის" თავდამსხმელის, გიორგი მიქაუტაძის სატრანსფერო ღირებულება €15 მილიონი ევროა, თუმცა "მეცმა" ქართველი ფორვარდი "აიაქსიდან" 20 მილიონ ევროდ გამოისყიდა და მის გაყიდვას მინიმუმ €25 მილიონ ევროდ შეეცდება.
შეგახსენებთ, რომ გიორგი მიქაუტაძემ ლიგა 1-ის გასულ სეზონში, 21 მატჩში 14 გოლი გაიტანა და 4 საგოლე პასი გააკეთა, რითაც ლიგა 1-ის ბომბარდირთა დავაში მეშვიდე პოზიცია დაიკავა. ქართველ ფეხბურთელებს შორის, ევროპის ტოპ ჩემპიონატის ერთ კონკრეტულ სეზონში გატანილი გოლების რაოდენობით, გიორგი მიქაუტაძემ რეკორდი დაამყარა.
სხვა სტატიები
