გიორგი მიქაუტაძე WhoScored-ის ვერსიით ლიგა 1-ის ტურის სიმბოლურში მოხვდა

ლიგა 1-ის 33-ე ტურში ,,სტრასბურმა” ,,მეცს'' უმასპინძლა და 2:1 დაამარცხა.

მარცხის მიუხედავად, მოედანზე ერთ-ერთი საუკეთესო იყო ,,მეცის'' ქართველი თავდამსხმელი, გიორგი მიქაუტაძე, რომელმაც გოლი გაიტანა და WhoScored-სგან 7.9-ქულიანი შეფასება დაიმსახურა, რითაც ტურის სიმბოლურ გუნდში მოხვდა.

23 წლის ფეხბურთელმა, რომელიც ბურთს სულ 44-ჯერ შეეხო, კარისკენ 4-ჯერ დაარტყა (ერთხელ კარში) და 19-დან 13 (68%) სწორი პასი გააკეთა.

ლიგა 1-ის 33 ტურის შემდეგ, ,,მეცი” 29 ქულით სატურნირო ცხრილის მე-16 პოზიციაზეა. მიქაუტაძის გუნდი მომავალ მატჩს 19 მაისს, ,,პარი სენ ჟერმენთან'' შინ გამართავს.

ლიგა 1-ის 33-ე ტურის სიმბოლური გუნდი WhoScored-ის ვერსიით ასე გამოიყურება:

მეკარე: ანტონი ლოპეში (ლიონი)

მცველები: კენი ლალა (ბრესტი), სამუელ ჟიგო (მარსელი), ტილო კერერი (მონაკო), ნეტო ბორგეში (კლერმონი)

ნახევარმცველები: რაიან ჩერქი (ლიონი), ელიეს ბენ-სეგირი (მონაკო), ანჟელო ფიულჟენი (ლანსი), ჟერემი ბოგა (ნიცა)

თავდამსხმელები: ჯონათან დევიდი (ლილი) გიორგი მიქაუტაძე (მეცი)