გიორგი მიქაუტაძე აიაქსში სამედიცინო შემოწმებას ხვალ გაივლის

საქართველოს ეროვნული ნაკრების თავდამსხმელი, გიორგი მიქაუტაძე კარიერას ,,აიაქსში" გააგრძელებს. ინფორმაციას ფაბრიციო რომანო ავრცელებს.

წყაროს ცნობით, ქართველი ფეხბურთელი დღეს ნიდერლანდებში გაემგზავრება, ხვალ კი სამედიცინო შემოწმებას გაივლის.

ლიგა 1-ის მიმდინარე სეზონში მიქაუტაძის ანგარიშზე ,,მეცის'' მაისურით ჩატარებულ 3 შეხვედრაში 2 გოლი და 1 საგოლე გადაცემაა.

,,აიაქსი'' ერედივიზიონის 2 ტურის შემდეგ 4 ქულით მე-9 ადგილზეა. გუნდი ევროპა ლიგის საკვალიფიკაციო ეტაპზე ასპარეზობს, სადაც ,,ლუდუგორეცთან'' პირველ მატჩში სტუმრად 1:4 იმარჯვა. ამსტერდამელები მომავალ შეხვედრას ხუთშაბათს, სწორედ ბულგარული კლუბის წინააღმდეგ გამართავენ.