გარეთ ბეილი 2022 წელს კარიერის დასრულებას აპირებს

ლონდონის "ტოტენჰემისა" და უელსის ნაკრების ერთ-ერთი ლიდერი - გარეთ ბეილი, 2022 წელს კარიერის დასრულებას აპირებს. ბეილი ევროპის ჩემპიონატზე ასპარეზობას აპირებს, შემდეგ კი მადრიდის "რეალში" დაბრუნებას, 2022 წელს კი მადრიდულ გრანდთან კონტრაქტი უმთავრდება და სავარაუდოდ კარიერას დაასრულებს. ცნობილი ესპანური გამოცემა AS აქვეყნებს ინფორმაციას, რომ ბეილმა "ტოტენჰემში" საკუთარი თავი ამოწურა და ლონდონურ კლუბში თამაში კარგად გამოიყენა ევროპის ჩემპიონატისთვის მოსამზადებლად. ევროპის ჩემპიონატის შემდეგ იგი მადრიდულ გრანდში დაბრუნდება, კონტრაქტის დასრულების შემდეგ კი კარიერას დაასრულებს. 2022 წლის ივლისში ბეილი 33 წლის გახდება, მისი კარიერის დასრულება კი ცოტა ნაადრევი იქნება. მიუხედავად იმისა, რომ ესპანური გამოცება კრიტიკულად უყურებს ბეილის "ტოტენჰემში" დაბრუნებას, სტატისტიკა სხვა რამეს გვეუბნება. ლონდონურ კლუბში დაბრუნების შემდეგ, გარეთ ბეილმა 30 მატჩი 14 გოლის გატანა შეძლო.

🚨| Gareth Bale wants to spend the next season at Real Madrid and retire in summer 2022 when his contract will be fulfilled. @diarioas [🥈] pic.twitter.com/4QPPBZU6Rp — Madrid Xtra. (@MadridXtra) May 21, 2021