"გამიკვირდება თუ ითამაშებს" - პეპი ჰოლანდზე

ინგლისის პრემიერ ლიგის მე-17 ტურის შეხვედრაში, "მანჩესტერ სიტი" "კრისტალ პალასს" უმასპინძლებს. "ეტიჰადზე" გასამართი მატჩის წინ, პეპ გვარდიოლამ ერლინგ ჰოლანდის შესახებ ისაუბრა და აღნიშნა, რომ ნორვეგიელის მოედანზე ხილვა ნაკლებად სავარაუდოა.

შეგახსენებთ, ერლინგ ჰოლანდმა ტრავმა 6 დეკემბერს, "ასტონ ვილასთან" გამართულ შეხვედრაში მიიღო და მას შემდეგ 2 მატჩი გამოტოვა. პრემიერ ლიგის მიმდინარე სეზონში, ნორვეგიელმა ვარსკვლავმა 15 მატჩში მიიღო მონაწილეობა, სადაც 14 გოლი გაიტანა და 4 საგოლე გადაცემა შეასრულა.