გაფრთხილება ბრიტანელ ფანებს: "გერმანული ლუდი გაცილებით ძლიერია"

გერმანიაში ჩასატარებელი ტურნირის (ევრო 2024) წინ, ბრიტანეთის საგარეო საქმეთა სამინისტრომ, ოფიციალური რჩევა გაავრცელა. ბრიტანელი ფეხბურთის გულშემატკივრები, რომლებიც ამ ზაფხულს ევროზე მიემგზავრებიან, გააფრთხილეს, რომ გერმანიაში ლუდი შეიძლება უფრო ძლიერი იყოს, ვიდრე სახლში.

ინგლისისა და შოტლანდიის მხარდამჭერებს ისიც შეახსენეს, რომ ძლიერი სიმთვარილს შემთხვევაში, შესაძლოა, გერმანულ სტადიონებზე არ შეუშვან.

მოსალოდნელია, რომ ასობით ათასი ბრიტანელი გულშემატკივარი გაემგზავრება ტურნირზე, რომელიც გერმანიის 10 ქალაქში გაიმართება. დიდ ბრიტანეთში ლუდის ალკოჰოლიანობა, საშუალოდ, 4.4%-ია. გერმანიაში კი ლუდის სიძლიერე 4.7%-დან 5.4%-მდე მერყეობს. რჩევის საპასუხოდ გაკეთდა კომენტარებიც:

14 ივნისს მიუნხენში, ტურნირის გახსნის მატჩში, შოტლანდია გერმანიას შეხვდება, ორი დღის შემდეგ, ინგლისი სერბეთს დაუპირისპირდება, გელზენკირხენში.

უელსმა და ჩრდილოეთ ირლანდიამ ფინალურ ეტაპზე თამაშის უფელბა ვერ მოიპოვეს.