ფიორენტინას ფეხბურთელი მოედანზე უგონოდ დაეცა | ინტერთან მატჩი შეწყვეტილია

იტალიის სერია A-ს მე-14 ტურის მატჩი, რომელშიც ერთმანეთს "ფიორენტინა" და "ინტერი" უპირისპირდებოდნენ, მე-17 წუთზე შეწყდა და ახლა გადადებულად ითვლება.

მაშინ, როდესაც მთავარი არბიტრი VAR-ზე მომენტს ამოწმებდა, "რომადან" ფიორენტინაში იჯარით მოთამაშე 22 წლის ნახევარმცველი, ედოარდო ბოვე, თასმების შესაკრავად დაიხარა და მინდორზე უგონოდ დაეცა, ისე რომ მის გარშემო არავინ იმყოფებოდა.

მატჩი მაშინვე შეწყდა და ახალგაზრდა ნახევარმცველი სასწრაფო დახმარების მანქანით საავადმყოფოში გადაიყვანეს.

La Repubblica-ს ცნობით, ბოვემ, სავარაუდოდ, გულის შეტევა გადაიტანა და ახლა ის არის "ფხიზლად, გონზე და დამოუკიდებლად სუნთქავს".