FA-მ არსენალისა და ბრენტფორდის მატჩის ვიდეო რეფერი დასაჯა
ინგლისის საფეხბურთო ასოციაციამ "არსენალისა" და "ბრენტფორდის" მატჩის ვიდეო რეფერი - ლი მეისონი დასაჯა. ოფიციალურად დადასტურებული ინფორმაციის თანახმად, მეისონი პრემიერ ლიგის მომდევნო ტურის მატჩებიდან მოკვეთეს.
პრემიერ ლიგის 24-ე ტურის მატჩები, 18-19 თებერვალს გაიმართება. მეისონი კი აღნიშნული ტურის მატჩებზე არ იმუშავებს.
51 წლის ინგლისელი არბიტრი "არსენალისა" და "ბრენტფორდის" მატჩში, ვიდეო გამეორების სისტემას (VAR) ხელმძღვანელობდა და უხეში შეცდომა დაუშვა. ლი მეისონს ოფსაიდის ხაზის გავლება დაავიწყდა. საქმე ეხება "ბრენტფორდის" ფორვარდის - აივან ტოუნის მიერ გატანილ გოლს, რომელიც საფეხბურთო მიმომხილველებისა და გულშემატკივრების აზრით თამაშგარე მდგომარეობის გამო VAR-ს უნდა გაეუქმებინა.
VAR Lee Mason didn't notice Christian Nørgaard coming back from an offside position for Brentford's equaliser against Arsenal.
— ESPN FC (@ESPNFC) February 12, 2023
For that reason, offside technology wasn't applied and the goal was given.
PGMOL admit it was 'human error'.
(h/t @DaleJohnsonESPN) pic.twitter.com/tRLhKI4tfX
მეისონმა ტოუნის გოლი არ გააუქმა, შედეგად მატჩი ფრედ 1:1 დასრულდა და საჩემპიონო ბრძოლაში მყოფმა "არსენალმა" უმნიშვნელოვანესი ქულები დაკარგა. ინგლისის პრემიერ ლიგის სამსაჯო კორპუსმა ოფიციალური მოხსენება გაავრცელა და დაშვებული შეცდომის გამო "არსენალს" ბოდიში მოუხადა, თუმცა ჩრდილო ლონდონური კლუბის მთავარი მწვრთნელისათვის ეს საკმარისი არ აღმოჩნდა.