ერთა ლიგის A დივიზიონის ყველა მეოთხედფინალისტი ცნობილია
2 დღის წინ
ფეხბურთი
1 წთ
დღეს ერთა ლიგის A დივიზიონის 2024-2025 წლების სეზონის კიდევ ორი მეოთხედფინალისტი გაირკვა.
პორტუგალიას, საფრანგეთს, გერმანიას, ესპანეთს, იტალიასა და ნიდერლანდებს, დანიისა და ხორვატიის ნაკრებები დაემატნენ.
პირველადგილოსნები - პორტუგალია, საფრანგეთი, გერმანია, ესპანეთი
მეორეადგილოსნები - იტალია, ნიდერლანდები, დანია, ხორვატია
მეოთხედფინალური ეტაპის წილისყრა პარასკევს, 22 ნოემბერს, ნიონში გაიმართება. მატჩები კი მომავალი წლის 20-23 მარტსაა ჩანიშნული.
ერთა ლიგის მოქმედი ჩემპიონი ესპანეთის ეროვნული ნაკრებია, რომელმაც 2023 წელს ფინალში ხორვატიას პენალტების სერიაში მოუგო.
