ეროვნული ლიგა: XIII ტურის მიმოხილვა და სიმბოლური გუნდი

3 წთ

საქართველოს ეროვნული ლიგის მე-13 ტური საკმაოდ უხვგოლიანი და საინტერესო გამოდგა, აქ ჩატარებული ხუთი მატჩიდან ფრედ არცერთი დასრულებულა, მიუხედავად იმისა, რომ რამდენიმე შემთხვევაში ერთმანეთს უშუალო კონკურენტები დაუპირისპირდნენ. მე-13 სათამაშო კვირის გახსნითი მატჩი ეროვნულ სატურნირო ცხრილის ორ ყველაზე დაბალ საფეხურზე მყოფ გუნდებს შორის წარიმართა და მასში ქუთაისის "ტორპედომ" "თელავს", თანაც კახეთშ, 4 უპასუხო გოლი გაუტანა, რითაც სეზონში პირველი გამარჯვება მოიპოვა. წყალტუბოს "სამგურალმა" გორის "დილა" სტუმრად - 1:2 დაამარცხა. ამით იმერლებმა ორმატჩიანი მოუგებელი სერია დაასრულეს, გორელებმა კი რომლებიც გუნდში არსებულ კორონავირუსის ეპიდემიას ებრძვიან, ზედიზედ 6 შეხვედრაში დაუმარცხებლობის შემდეგ, პირველი წაგება იწვნიეს. გამარჯვება თანაც გოლის გაუშვებლად მოახერხა ორივე "დინამომ". ბათუმელებმა "სამტრედიას" - 2:0, ხოლო თბილისელებმა "საბურთალოს" დერბიში 4:0 სძლიეს. მძიმე პერიოდის და ბოლო 7 შეხვედრაში გამარჯვების ვერ მოპოვების შემდეგ, გამარჯვება შეძლო თბილისის "ლოკომოტივმაც", რომელმაც ქობულეთის შუქურას, მატჩის მიწურულს ულად ომარ იმრანის მიერ გატანილი გოლის მეშვეობით - 1:0 აჯობა.

მეცამეტე ტურის შედეგები

მეცამეტე ტურის დასრულების შემდეგ, იმ 11 ფეხბურთელისგან და მწვრთნელისგან შედგენილ სიმბოლურ გუნდს წარმოგიდგენთ, რომლებმაც Live.ge-ს ვერსიით, თავი საუკეთესოდ წარმოაჩინეს.

მეკარე: მაქსიმე ქვილითაია (“სამგურალი”). მცველები: ფაბიან სპორქსლედე, ვიქტორ მონხილი (ორივე “დინამო თბილისი”), ნიკოლოზ სანდოხაძე (“ლოკომოტივი”), ნიკოლოზ კალანდარიშვილი ("სამგურალი"). ნახევარმცველები: თორნიკე კირკიტაძე (“ლოკომოტივი”), ანზორ მექვაბიშვილი, (“დინამო თბილისი”), ირაკლი ძარია (“ტორპედო”). თავდამსხმელები: გიორგი ფანცულაია (“დინამო ბათუმი”), ზორან მარუშიჩი (“დინამო თბილისი”), ოთარ კვერნაძე (“ტორპედო”). მწვრთნელი: გიორგი ნემსაძე (“დინამო თბილისი”). განლაგება: 4-3-3.

ამირან შაიშმელაშვილი

სხვა სტატიები

პაიდეს მწვრთნელი: "საქართველო ტექნიკური ფეხბურთის ქვეყანაა, კვარაცხელია ამის მაგალითია"

ოფიციალურად: როინ კვასხვაძემ დინამო თბილისი დატოვა