ენცო ფერნანდესს მართვის მოწმობა ჩამოართვეს

არგენტინის ეროვნული ნაკრებისა და ლონდონის ,,ჩელსის'' ნახევარმცველს, ენცო ფერნანდესს, საგზაო მოძრაობის წესების ორჯერ დარღვევის გამო, მართვის მოწმობა 6 თვით ჩამოართვეს. ინფორმაციას Sky Sport ავრცელებს.

გამოცემის ცნობით, სასამართლოში საქმე ფეხბურთელის დაუსწრებლად განიხილებოდა. გარდა ამისა, ფერნანდესი 3020 ფუნტით დაჯარიმდა.

არგენტინელი სკანდალში რამდენიმე თვის წინაც გაეხვა, როცა ,,ალბისელესტეს'' ფეხბურთელებმა კოპა ამერიკის მოგების შემდეგ, ავტობუსში რასისტული სიმღერა შეასრულეს. ენცო ფერნანდესის ინსტაგრამ-ლაივში საფრანგეთის ნაკრების ფეხბურთელების შესახებ არგენტინელთა შეძახილები ისმოდა: ,,ისინი თამაშობენ საფრანგეთში, მაგრამ ყველანი ანგოლიდან არიან ჩამოსულები.'' ინციდენტის გამო, ენცოს ლონდონის ,,ჩელსიში'' რამდენიმე თანაგუნდელმა ინსტაგრამზე გამოწერა გაუუქმა.

მიმდინარე სეზონში ფერნანდესის ანგარიშზე ,,ჩელსის'' მაისურით ჩატარებულ 5 შეხვედრაში 1 საგოლე გადაცემაა.