"სწრაფი გოლის გატანა მნიშვნელოვანი იყო" - ხვიჩა კვარაცხელია

ჩემპიონთა ლიგის 1/8-ფინალური ეტაპის საპასუხო შეხვედრაში პარი სენ-ჟერმენმა ჩელსი სტუმრად 0:3 დაამარცხა და პარიზული გუნდი მომდევნო ეტაპზე გავიდა. პირველი გოლი მე-6 წუთზე ხვიჩა კვარაცხელიამ გაიტანა, მე-14 წუთზე ბრედლი ბარკოლამ სხვაობა ორამდე გაზარდა, ხოლო საბოლოო ანგარიში 62-ე წუთზე სენი მაიულუმ დააფიქსირა.

ქართველი ფეხბურთელი მატჩის საუკეთესო მოთამაშედ დასახელდა და უეფამ მასთან ინტერვიუც ჩაწერა:

სწრაფ გოლზე....

პარი სენ-ჟერმენმა ორი მატჩის ჯამში ჩელსი 8:2 დაამარცხა და ჩემპიონთა ლიგის 1/4-ფინალში გავიდა, სადაც გალათასარაი/ლივერპულის წყვილიდან გამარჯვებულს შეხვდება. მომდევნო შეხვედრას ქართველი ფეხბურთელის გუნდი 21 მარტს, საფრანგეთის ლიგა 1-ის ეგიდით, ნიცას წინააღმდეგ გამართავს.

ხვიჩა კვარაცხელიამ მიმდინარე სეზონში ყველა ტურნირის ეგიდით 36 შეხვედრაში მიიღო მონაწილეობა რა დროშიც 11 გოლი გაიტანა და 7 საგოლე გადაცემა გააკეთა.

უფრო კონკრეტულად, რომ ჩამოვწეროთ:

• კვარა საფრანგეთის ლიგა 1-ში - 21 მატჩი - 4 გოლი, 3 საგოლე გადაცემა

• კვარა ჩემპიონთა ლიგაზე - 11 მატჩი - 7 გოლი, 4 საგოლე გადაცემა