ემპოლის კარგი სვლა გრძელდება | გოგლიჩიძემ კვლავ შეუცვლელად ითამაშა

იტალიის სერია A-ს მე-6 ტურის შეხვედრაში "ემპოლი" "ფიორენტინას" დაუპირისპირდა და მატჩი ფრედ 0:0 დასრულდა. საბა გოგლიჩიძემ კვლავ ძირითად შემადგენლობაში დაიწყო თამაში და კვლავ შეუცვლელად ჩაატარა შეხვედრა.

ქართველი მცველი Sofascore-მა 6.9-ით შეაფასა, მან 4-ჯერ მოიგერია ბურთი და მეტოქეს მომენტი არ შეაქმნევინა, ერთხელ ჩაჭრა, ართმევის მცდელობა სულ 3-ჯერ ჰქონდა, 11 ორთაბრძოლაში მიიღო მონაწილეობა და 5-ში გამარჯვებული დარჩა, ბურთს 39-ჯერ შეეხო, 28-დან 19 გადაცემა ზუსტად შეასრულა (68%).

Whoscored-მა ქართველი ფეხბურთელი 7.0-ით შეაფასა.

"ემპოლი" სერია A-ს ცხრილში 10 ქულით მე-6 პოზიციაზე იმყოფება (2 მოგება, 4 ფრე). მომდევნო შეხვედრას საბა გოგლიჩიძის გუნდი 6 ოქტომბერს 17:00 საათზე "ლაციოს" წინააღმდეგ გამართავს.