€100 მილიონიანი ინვესტიცია | ლაპორტა ბარსას ფინანსურ მდგომარეობას აუმჯობესებს
2 წლის წინ
ფეხბურთი
2 წთ
"მაქვს შეგრძნება, რომ გამოწვევების მიუხედავად, ჩვენ მორიგი ამოცანა შევასრულეთ. ფინანსური "ფეარ-პლეის" წესების შესრულება მარტივი არაა. ლა ლიგა ჩვენს ფეხბურთელებს არ დაბლოკავს, წინააღმდეგ შემთხევვაში, ჩვენ გამოსავალს მაინც ვიპოვით. პარალელურად, ვმუშაობთ რომ გუნდიდან არასასურველი ფეხბურთელები გავუშვათ, თუმცა მარტივი პროცესი არ ეს გახლავთ", - თქვა კლუბის პრეზიდენტმა.
გასულ ივნისში, “ბარსელონას” დირექტორთა საბჭომ ლაპორტას ნება დართო, რომ კლუბის აქტივები გასაყიდად გატანილიყო – ფინანსური აქტივების პირველი პაკეტის რეალიზაცია წარმატებით განახორციელდა: მიმდინარე წლის 30 ივნისს “ბარსელონამ” საინვესტივიო კომპანია Sixth Street-თან €207.5 მილიონიანი კონტრაქტი გააფორმა. მოგვიანებით, დამატებით 15%-იანი პაკეტის მფლობელი კვლავ Sixth Street გახდა, რომელსაც, Financial Times-ის თანახმად, $60 მილიარდზე მეტის აქტივები გააჩნია. ფინანსური პრობლემების მიუხედავად, "ბარსელონა" სატრანსფერო ბაზარზე აქტიურობას განაგრძობს. ამ ეტაპზე, "ბლაუგრანას" €150 მილიონი აქვს დახარჯული, ამჟამად კი, კლუბის სახელი ბერნარდუ სილვას ("სიტი"), სესარ ასპილიკუეტასა და მარკოს ალონსოს (ორივე "ჩელსი") უკავშირდება.
სხვა სტატიები
