დეშამი: ,,გალტიემ მბაპეს დროდადრო დასვენების საშუალება უნდა მისცეს''

საფრანგეთის ეროვნული ნაკრების მთავარი მწვრთნელი, დიდიე დეშამი იმედოვნებს, რომ მსოფლიო ჩემპიონატის წინ, ,,პარი სენ ჟერმენის'' თავდამსხმელი, კილიან მბაპე კლუბში ნაკლებად დაიტვირთება:

,,ვიცი, რომ გალტიეს სურს, მბაპემ ყველა მატჩში ითამაშოს. მაგრამ, მინდა, მწვრთნელმა კილიანს დროდადრო დასვენების საშუალებაც მისცეს.

უბრალოდ, საჭიროა, რომ მბაპეს ცოტათი ნაკლები სათამაშო დრო ჰქონდეს. ეს ,,პსჟ-ს'' არ დააზარელებს, პირიქით,'' - დეშამის სიტყვებს Telefoot-ი ციტირებს.

მიმდინარე სეზონში მბაპეს ანგარიშზე ,,პარი სენ ჟერმენის'' მაისურით ჩატარებულ 9 შეხვედრაში 10 გოლია.

საფრანგეთს ნაკრები მსოფლიო ჩემპიონატზე D ჯგუფში, ავსტრალიასთან, დანიასთან და ტუნისთან ერთად იასპარეზებს.

დეშამის გუნდი მუნდიალის პირველ მატჩს 22 ნოემბერს, ავსტრალიის წინააღმდეგ გამართავს.