დენი მერფი: ლივერპულის მთავარი პრობლემა ვირცი და ისაკი არ არიან

„ლივერპულის“ ყოფილი ფეხბურთელის, დენი მერფის აზრით, „ლივერპულის“ არასტაბილური შედეგები გუნდის ახალი, ასტრონომიული ფასის მქონე ფეხბურთელების, ფლორიან ვირცისა და ალექსანდერ ისაკის, არასაკმარისად კარგ თამაშს არ უკავშირდება. 

ორივე შემტევი „ლივერპულს“ წინა წელს შეუერთდა და კლუბმა მათ ტრანსფერში დაახლოებით 270 მილიონი ევრო გადაიხადა. ფეხბურთელებს ჯერჯერობით მათზე დაკისრებული უზარმაზარი მოლოდინების გამართლება უჭირთ. ამის მიუხედავად, მერფი თვლის, რომ ვირცი და ისაკი გუნდის არასტაბილური გამოსვლების მთავარი მიზეზი არ არიან.

რასაკვირველია, მერფი მილოშ კერკესსა და ჟერემი ფრიმპონგს გულისხმობდა. „ლივერპულმა“ ორივე ფეხბურთელი დაახლოებით ერთი წლის წინ სოლიდური სატრანსფერო თანხის სანაცვლოდ შეიძინა.

მერფი კერკესსა და ფრიმპონგს დაცვით ასპექტში არ აკრიტიკებს. მისი შეფასებით, ორივე ფეხბურთელი საკმაოდ სწრაფები არიან, თუმცა შეტევაში მათ სერიოზული პრობლემები აქვთ. ეს ახალი მთავარი მწვრთნელისთვის, გრძელვადიან პერსპექტივაში სერიოზული პრობლემა შეიძლება გახდეს.

მილოშ კერკეზი სულ ახლახან ჯეიმი კარაგერმაც გააკრიტიკა და მას „ფლანგის მცველების დარვინ ნინუესი უწოდა“.

საინტერესოა, რომ კერკესმა სწორედ ირაოლას ხელმძღვანელობით გაითქვა სახელი „ბორნმუთში“. „ლივერპულმა“ მისი ტრანსფერისთვის დაახლოებით 47 მილიონი ევრო გადაიხადა. მას შემდეგ უნგრელს „ლივერპულის“ მაისურით 51 მატჩში მხოლოდ ორი გოლი და ორი საგოლე გადაცემა აქვს.

საკმაოდ ცუდი სტატისტიკა აქვს ფრიმპონგისაც, „ლევერკუზენიდან“ 40 მილიონ ევროდ შეძენილმა ფეხუბრთელმა „ლივერპულის“ რიგებში ჩატარებულ 37 შეხვედრაში მხოლოდ ორი გოლი და ორი ასისტი მიითვალა.