დეკუ: "ლამინე იამალი ბარსელონაში მრავალი წლის განმავლობაში ითამაშებს"

"ბარსელონას" სპორტული დირექტორი, დეკუ მსოფლიო ფეხბურთის ერთ-ერთი ამომავალი ვარსკვლავისა და მისი გუნდის შემტევის, ლამინე იამალის და მასთან კონტრაქტის შესაძლო გახანგრძლივების შესახებ საუბრობს.

17 წლის უნიჭიერესი ფეხბურთელი კატალონიური გრანდის აღზრდილია და 2023 წლის ზაფხულის შემდეგ მთავარ გუნდში დააწინაურეს. ესპანეთის ნაკრების შემადგენლობაში ევროპის მოქმედმა ჩემპიონმა "ბარსაში" 82 მატჩში 18 გოლის გატანა და 21 საგოლე პასის გაკეთება მოახერხა.