დე ლა ფუენტე: "მიეცით ოქროს ბურთი როდრის, ის მსოფლიოს საუკეთესო ფეხბურთელია"

ესპანეთმა ევრო 2024 ტრიუმფით დაასრულა. ლუის დე ლა ფუენტეს გუნდმა ფინალში ინგლისი დაამარცხა (2:1) და ისტორიაში მეოთხედ მოიპოვა კონტინენტის საუკეთესოს ტიტული. UEFA-მ ტურნირის საუკეთესო ფეხბურთელად ესპანელთა ნახევარდაცვის ლიდერი, როდრი დაასახელა. საუკეთესო ახალგაზრდა ფეხბურთელი კი ასევე ესპანელი, ლამინე იამალი გახდა.

მატჩის შემდეგ, ესპანეთის ნაკრების მთავარმა მწვრთნელმა - ლუის დე ლა ფუენტემ ოქროს ბურთის დაჯილდოებაზე ისაუბრა.

ესპანელმა ფეხბურთელმა ოქროს ბურთი ბოლოს 1960 წელს მოიგო - ეს ჯილდო ლუის სუარესმა დაიმსახურა. სუარესი ბარსელონაში 1955 წლიდან 1961 წლამდე თამაშობდა, კატალონიურ კლუბში ჩატარებულ 122 შეხვედრაში სუარესმა 61 გოლი გაიტანა.