დე ხეამ პრემიერ ლიგის ოქროს ხელთათმანი მოიგო

ინგლისის პრემიერ ლიგის 36-ე ტურის შეხვედრაში, "მანჩესტერ იუნაიტედისა" და "ვულვზის" დაპირისპირება შედგა.

ლეგენდარულ "ოლდ ტრაფორდზე" გამართული მატჩი, მასპინძელთა გამარჯვებით, 2:0 დასრულდა.

დავიდ დე ხეამ საკუთარი კარის მშრალად შენახვა მე-16 შეხვედრაში შეძლო, რის შედეგადაც პრემიერ ლიგის მიმდინარე სეზონში ყველაზე მეტი "ქლინ შითი" დააგროვა. ესპანელმა კარის დარაჯმა საუკეთესო მეკარის ტიტული და ოქროს ხელთათმანი მოიპოვა.