დე ძერბი: ,,ფეხბურთელებს ვუთხარი, რომ წაგების შემდეგ არასდროს მიტირია, დღეს კი გასახდელში ვიტირე''
16 საათის წინ
ფეხბურთი
1 წთ
მარსელის მთავარმა მწვრთნელმა, რობერტო დე ძერბიმ, პარი სენ ჟერმენთან წაგებულ მატჩზე ისაუბრა:
,,პირველი, რაც ჩემს გუნდს ვუთხარი, ის იყო, რომ წაგების შემდეგ არასდროს მიტირია, დღეს კი გასახდელში დაბრუნების შემდეგ ვიტირე, რადგან ამ მატჩისთვის განსაკუთრებულად მოვემზადეთ. პსჟ წელიწადნახევარია ევროპაში საუკეთესო ფეხბურთს თამაშობს, მაგრამ მარსელმა მოგება დაიმსახურა.
ფეხბურთელებს ასევე ვუთხარი, რომ საკუთარი თავისგან ყოველთვის ასეთი თამაში უნდა მოვითხოვოთ. პსჟ-სთან მატჩში გვქონდა ყველაფერი - დაცვა, ხასიათი, ტექნიკა... ყველაფერი ის, რაც ძლიერ გუნდს გამარჯვებისთვის სჭირდება.
მტკივნეული მარცხია, თასის მოგებით მარსელის ისტორიაში შესვლა გვინდოდა. მომავალში სწორედ ასე უნდა გავაგრძელოთ - 100%-ით თავდადებით.
ლუის ენრიკე მწვრთნელებს შორის ისეთივე გამორჩეულია, როგორც მოურინიო და გვარდიოლა. პსჟ კი მსოფლიოს საუკეთესო გუნდია და ამას მხოლოდ მოგებული ტიტულების გამო არ ვამბობ.'' - დე ძერბი
საფრანგეთის სუპერთასის შეხვედრაში პარი სენ ჟერმენმა მარსელი პენალტების სერიაში დაამარცხა და ტიტული ზედიზედ მეოთხედ, ისტორიაში კი მეთოთხმეტედ მოიგო.
🚨 Roberto De Zerbi 🇮🇹 : « Je n’ai jamais pleuré après avoir perdu et 𝗝’𝗔𝗜 𝗣𝗟𝗘𝗨𝗥𝗘́ 𝗤𝗨𝗔𝗡𝗗 𝗝𝗘 𝗦𝗨𝗜𝗦 𝗘𝗡𝗧𝗥𝗘́ 𝗗𝗔𝗡𝗦 𝗟𝗘 𝗩𝗘𝗦𝗧𝗜𝗔𝗜𝗥𝗘… » 🥺
— Actu Foot (@ActuFoot_) January 9, 2026
🎙️ Zone Mixte pic.twitter.com/i1SLCkjFjD
სხვა სტატიები
.32.webp)
