corrieredellosport: "ლუჩიანო სპალეტის და ნაპოლის გზები ერთმანეთს შორდება"

იტალიურ მედიაში გავრცელებული უახლესი ინფორმაციის მიხედვით, ლუჩიანო სპალეტი სეზონის დასრულების შემდეგ "ნაპოლის" მთავარი მწვრთნელის პოზიციას დატოვებს.

აღნიშნულთან დაკავშირებით ერთ-ერთი ყველაზე პრესტიჟული იტალიური მედია-საშუალება corrieredellosport.it-ი საუბრობს და ყურადღებას ამახვილებს იმ გარემოებაზე, რომ ახალი საწვრთნელი ბაზის პრეზენტაციას სპალეტი არ დაესწრება.

"ეს არის თავსატეხი და უნდა დასრულდეს დაკარგული ნაწილებით: დღეს დილით კიდევ ერთი, შეიძლება დამთხვევა ან შეიძლება არც, მინიშნება მივიღეთ - ლუჩიანო სპალეტი არ მიიღებს მონაწილეობას დიმარო-ფოლგარიდას სასწავლო ბანაკის პრეზენტაციაში.

კასტელ ვოლტურნო მისი სახლია, ეს არ არის მხოლოდ სამუშაო ადგილი, მან აირჩია იქ ცხოვრება, სექტემბერში მოაწყო პატარა ოთახი და ეს რვა თვე გაატარა მთლიანად თავის საქმეში ჩაძირულმა, ინსომნიის წინაშეც კი დადგა. ვიდეო, ოპონენტების შესწავლა და კაბინეტის ლაბორატორიის კედლების შედევრად გადაქცევა.

თუ მოინდომებდა, პრეზენტაციაზე ჩუსტებითაც კი მოხვდებოდა, მაგრამ ოფიციალურ მოწვევაში მისი კვალი არ არის. რა თქმა უნდა, აურელიო დე ლაურენტისი ადგილზეა, უკვე 12 წელია, რაც კლუბი ვალ დი სოლეში მიემგზავრება. კლუბის მენეჯერები რა თქმა უნდა იქ არიან, თუმცა არა სპალეტი.

არსებობს ეჭვი, რომ მწვრთნელისა და "ნაპოლის" გზები გაიყოფა, ასე რომ არ იყოს, მაშინ აურელიო დე ლაურენტისთან შეხვედრის დეტალები უფრო იოლად გასაჯაროვდებოდა, თუმცა სპალეტიმ მხოლოდ მოკლე კომენტარი გააკეთა და კონფიდენციალური ინფორმაცია არ გაამხილა: "სწორი ნაბიჯები გადაიდგა ამ ორი წლის განმავლობაში. კმაყოფილი ვარ გუნდის შედეგებით და მიხარია, რომ გუნდმა გააკეთა ის, რაც მსურდა. შემიძლია მხოლოდ გავაგრძელო და დავასრულო საქმე საუკეთესოდ. ნებისმიერ შემთხვევაში, "ნაპოლის" ნათელი მომავალი აქვს", - თუმცა მთავარ კითხვაზე რჩება თუ არა სპეციალისტი კლუბში, პასუხი არ მიგვიღია.

სპალეტის ისტორია ნეაპოლში, რომელიც ჯერ კიდევ გრძელდება - ჩემპიონატის დასრულებამდე კიდევ 2 ტურია, საშინაო შეხვედრა "ინტერთან", "ბოლონიასთან" სტუმრობა და "სამპდორიასთნ" ფინალურ ტურში საჩემპიონო ზეიმი. ახლა საიდუმლოდ მხოლოდ ლუჩიანოს სპალეტის კარიერული მომავალი რჩება", - წერს corrieredellosport.it-ი.

ლუჩიანო სპალეტი “ნაპოლიში” 2021 წლის 1 ივლისს დაინიშნა და გუნდს 93 შეხვედრაში უხელმძღვანელა. მისი კონტრაქტი “ლურჯებთან” მიმდინარე წლის 30 ივნისს იწურება.