ჩემპიონთა ლიგის მეოთხედფინალური ეტაპის წყვილები ცნობილია

დღეს, შვეიცარიის ქალაქ ნიონში, ჩემპიონთა ლიგის მიმდინარე სეზონის მეოთხედფინალური ეტაპის წილისყრა გაიმართა.

8 გუნდი წყვილებში ასე გადანაწილდა:

• არსენალი - ბაიერნი

• ატლეტიკო - დორტმუნდი

• რეალი - მანჩესტერ სიტი

• პსჟ - ბარსელონა

ნახევარფინალში ატლეტიკოსა და დორტმუნდის წყვილში გამარჯვებული პსჟ-სა და ბარსელონას წყვილში გამარჯვებულს შეხვდება, არსენალსა და ბაიერნს შორის წყვილში მოგებული კი - რეალისა და სიტის შორის მოგებულს დაუპირისპირდება.

მეოთხედფინალური ეტაპის პირველი მატჩები 9 და 10 აპრილს ჩატარდება, საპასუხო შეხვედრები კი 16 და 17 აპრილსაა ჩანიშნული.

ტურნირის ფინალი პირველ ივნისს, ლონდონში, ,,უემბლიზე'' გაიმართება.

ჩემპიონთა ლიგის მოქმედი ჩემპიონი ,,მანჩესტერ სიტია'', რომელმაც გასულ წელს ფინალში ,,ინტერი'' დაამარცხა.