"ჩელსის ბოლო გოლის შემდეგ გაყიდულია 9,892,022 პიცა" - ჩელსის სოციალურ ქსელში დასცინიან

მიმდინარე სეზონი ლონდონის "ჩელსისთვის" რბილად რომ ვთქვათ, წარუმატებლად დაიწყო. მაურისიო პოჩეტინოს გუნდმა 6 ტურში მხოლოდ 5 გოლის გატანა შეძლო. ეს სტატისტიკა "არისტოკრატების" შედეგზეც აისახა და ისინი პრემიერ ლიგაში მე-15 ადგილს იკავებენ. აღსანიშნავია ისიც, რომ "ჩელსის" ბოლო 5 შეხვედრიდან მხოლოდ ერთი მატჩი აქვს მოგებული. 6 ტურის შემდეგ ლონდონელებმა მხოლოდ 5 ქულა მოიპოვეს. 

ამასთან დაკავშირებით ცნობილმა კომპანია "დომინოს პიცამ" "ჩელსის" პოსტის საშუალებით დასცინა. 

მიმდინარე სეზონში "ჩელსიმ" ბოლო გოლი 30 აგვისტოს "უიმბლდონის" წინააღმდეგ გაიტანა. 

მშრალი სერიის დასრულება პოჩეტინოს გუნდს დღეს შეუძლია. "ჩელსი" შინ "ფულემს" მიიღებს. აღნიშნული მატჩი 23:00 საათზე არის ჩანიშნული.