ბრობისა და ლუკასენის უნიკალური მიღწევა | მეხუთე ძმები მუნდიალების ისტორიაში

2026 წლის მსოფლიო ჩემპიონატზე საინტერესო ფაქტი დაფიქსირდა. ნიდერლანდების ნაკრების თავდამსხმელმა, ბრაიან ბრობიმ და განის ნაკრების მცველმა, დერიკ ლუკასენმა მნიშვნელოვანი მიღწევა დააფიქსირეს. ისინი გახდნენ მეხუთე ძმები მუნდიალების ისტორიაში, რომლებმაც ამ პრესტიჟულ ტურნირზე გოლის გატანა შეძლეს.

ამ მიღწევით მათ თითქმის 30-წლიანი პაუზა შეწყვიტეს და ლეგენდარული საფეხბურთო წყვილების გვერდით დაიკავეს ადგილი. თუმცა, მათი შემთხვევა კიდევ უფრო განსაკუთრებული და მანამდე არნახულია.

ბრობისა და ლუკასენის მიღწევა მსოფლიო ჩემპიონატების არსებობის მანძილზე აბსოლუტურად უნიკალურია. ისინი პირველი ძმები არიან, რომლებმაც გოლები სხვადასხვა ნაკრების სახელით გაიტანეს.

ბრაიან ბრობი ნიდერლანდების ნაკრების ნამდვილ ვარსკვლავად მოგვევლინა და მიმდინარე ტურნირზე უკვე 3 გოლის გატანა მოასწრო. მისი ძმა, დერიკ ლუკასენი კი განის ღირსებას იცავს. მან თავი ჯგუფური ეტაპის დასკვნით ტურში, ხორვატიასთან გამართულ მატჩში გამოიჩინა, სადაც განამ დრამატულ ბრძოლაში 1:2 წააგო.

მსოფლიო ჩემპიონატების თითქმის საუკუნოვან ისტორიაში, ბრობისა და ლუკასენის გარდა, მხოლოდ ოთხმა ძმების წყვილმა მოახერხა გოლის გატანა:

ოტმარ და ფრიც ვალტერები (დასავლეთ გერმანია, 1954 წელი): ლეგენდარულმა გერმანელმა ძმებმა ტურნირზე ერთად 7 გოლი გაიტანეს და თავიანთ ქვეყანას ჩემპიონობის მოპოვებაში დაეხმარნენ.

ვილი და რენე ვან დე კერკჰოფები (ნიდერლანდები, 1978 წელი): ნიდერლანდელებმა იმ მუნდიალზე ბრწყინვალედ ითამაშეს და ნაკრებთან ერთად ვერცხლის მედლებს დასჯერდნენ;

მიკაელ და ბრაიან ლაუდრუპები (დანია, 1998 წელი): დანიური ფეხბურთის სიმბოლოებმა 1998 წლის საფრანგეთის მუნდიალზე დალაშქრეს მეტოქეთა კარები. სწორედ ისინი იყვნენ აქამდე ბოლო ძმები, ვინც ბრობიმდე და ლუკასენამდე ერთ ტურნირზე გაიტანეს.

ცალკე აღნიშვნის ღირსია ბრაზილიელი ძმების, სოკრატესისა და რაის ქეისი. მათ გოლები სხვადასხვა ჩემპიონატზე გაიტანეს (სოკრატესმა 1982 წელს, ხოლო რაიმ — 1994-ში), თუმცა მათ მიღწევას მისტიკური დამთხვევების სერია ახლავს:

ორივემ მსოფლიო ჩემპიონატზე საკუთარ სადებიუტო მატჩში გაიტანა;

ორივე ამ დროს ბრაზილიის ნაკრების კაპიტანი იყო;

ორივემ თერთმეტმეტრიანი ნიშნულიდან გამოიჩინა თავი;

ნიდერლანდებისა და განის ნაკრებები გამოსვლას პლეიოფში აგრძელებენ და მათი მეტოქეები შესაბამისად მაროკოსა და კოლუმბიის ნაკრებები არიან.