ბერლუსკონი: ,,ეს ნამდვილი სკანდალია, მსაჯი უდინეზეს მხარეს იყო''
,,მონცას'' მფლობელმა, სილვიო ბერლუსკონიმ, ,,უდინეზესთან'' მარცხის შემდეგ, მატჩის მსაჯები გააკრიტიკა:
,,წარუმატებელი თამაში გამოვიდა, მაგრამ მეტოქეს 12 მოთამაშე ჰყავდა. არბიტრი მათ მხარეს იყო, ეს ნამდვილი სკანდალია. მსაჯ დი ბელოს, დი ბრუტო უნდა ერქვას (Bello ლამაზს ნიშნავს, Brutto კი - მახინჯს).
გამარჯვების გოლი თამაშგარის გამო არ უნდა ჩათვლილიყო. საკამათო ეპიზოდებში მსაჯი ყოველთვის ჩვენ წინააღმდეგ უსტვენდა,'' - ბერლუსკონის სიტყვებს Football Italia ციტირებს.
იტალიის სერია ა-ს მესამე ტურში ,,მონცამ'' ,,უდინეზეს'' უმასპინძლა და 1:2 დამარცხდა.
სამი თამაშის შემდეგ, ჯოვანი სტროპას გუნდი უქულოდაა და ცხრილში ბოლო ადგილს იკავებს.
.@berlusconi post #MonzaUdinese: “[Udinese] played with 12 today because the referee was with them…Di Bello? He should be called Di Brutto (ugly/bad)” pic.twitter.com/uK9fiOfrNu
— Rete This Way: A Calcio Podcast 🇮🇹🇨🇦 (@RTWCalcio) August 26, 2022