არსენალის ყოფილი ფეხბურთელი დანით დაჭრეს
ლონდონის ,,არსენალის'' ყოფილი მცველი, პაბლო მარი, რომელიც ამჟამად ,,მონცაში'' თამაშობს, ერთ-ერთია იმ ექვს ადამიანს შორის, რომლებიც მილანის მახლობლად, სუპერმარკეტში თავდასხმისას დაჭრეს. შემთხვევა რამდენიმე საათის წინ მოხდა.
გავრცელებული ინფორმაციით, ექვსივე ადამიანი დანითაა დაჭრილი, მათგან ორის მდგომარეობა მძიმეა, ერთი კი გარდაიცვალა.
Tuttomercatoweb-ის ცნობით, პაბლო მარი გონზეა და საავადმყოფოშია, სადაც მასთან ,,მონცას'' აღმასრულებელი დირექტორი - ადრიანო გალიანი და მთავარი მწვრთნელი - რაფაელე პალადინო არიან.
როგორც თვითმხილველები ამბობენ, მარკეტში 46 წლის კაცმა თაროდან დანა აიღო და ხალხს თავს დაესხა. დამნაშავე პოლიციამ დააკავა.
დღეს მილანში ინგლისური როკ-ჯგუფის, ,,პლასიბოს''კონცერტია, რის გამოც დარბაზთან ახლომდებარე სუპერმარკეტში განსაკუთრებულად ბევრი ხალხი იყო.
პაბლო მარის ანგარიშზე სერია A-ს მიმდინარე სეზონში ,,მონცას'' მაისურით ჩატარებულ 8 მატჩში 1 გოლია.
Secondo una ricostruzione dei carabinieri, dopo essersi impossessato di un coltello dagli espositori del supermercato Carrefour - senza apparenti motivi - ha accoltellato cinque clienti. Uno dei feriti è Pablo Mari, calciatore del Monza Calcio https://t.co/YqJ9Ud89rn
— RaiNews (@RaiNews) October 27, 2022