BBC Sport: "ბოლოს ჩაკვეტაძეს დიდი ფულის სანაცვლოდ იყიდიან"

ინგლისურ პრესაში ხშირად იწერება, რომ გიორგი ჩაკვეტაძით რამდენიმე კლუბია დაინტერესებული და მათ შორის პრემიერლიგიდანაც. ქართველის ბრწყინვალე თამაში ყურადღების გარეშე არ რჩება როგორც გულშემატკივრების, ასევე ჟურნალისტების მხრიდანაც.

ჩაკვეტაძეს ჩემპიონშიპის 22 მატჩში 1 გოლი და 4 საგოლე გადაცემა აქვს, თუმცა მისი გავლენა გაცილებით მეტია უოტფორდის თამაშზე, ვიდრე ამას სტატისტიკა გამოსახავს. კორესპონდენტი ჯეფ დოილი BBC Sport-თან ინტერვიუში უოტფორდის მიზნებსა და ჩაკვეტაძის მომავალზე საუბრობს.

უოტფორდი ჩემპიონშიპის ზედა ექვსეულის წევრია. პრემიერლიგაში პირდაპირი წესით 2 საუკეთესო გუნდი დაწინაურდება, მომდევნო ოთხეული კი პლეი ოფის პრინციპით იბრძოლებს ელიტაში დასაწინაურებლად.