ბარსელონას ტრანსფერების სიაში ისაკი პირველ ადგილზეა

Mundo Deportivo-ს მიერ გავრცელებული ინფორმაციის თანახმად, ალექსანდერ ისაკი "ბარსელონას" მთავარი სამიზნეა. აღნიშნულ წყაროზე დაყრდნობით, შვედი შემტევი რობერტ ლევანდოვსკის შემცვლელად განიხილება. თუ ყველაფერი გეგმის მიხედვით წავიდა, "ნიუკასლის" შემტევი შემდეგ სეზონს უკვე კატალონიელთა რიგებში ჩაატარებს.

საინტერესოა ისიც, რომ ვიდრე "ბარსა" ამ ტრანსფერს შეასრულებს, იქამდე რამდენიმე მოთამაშის გაყიდვა მოუწევთ. იმ შემთხვევაში თუ კატალონიელები არაუხოს და ფატის გაუშვებენ, ახალ შენაძენზე ფიქრი შეეძლებათ.

აღსანიშნავია ისიც, რომ "ბარსელონას" შემტევთა სიაში რაფაელ ლეაუ, ლუის დიასი, ჯონ დურანი და მარკუს რაშფორდი არიან.