ბარსელონამ ამხანაგურ ელ კლასიკოში რეალ მადრიდი დაამარცხა

"ბარსელონამ" აშშ-ში გამართულ ამხანაგურ ელ კლასიკოში "რეალ მადრიდი" 2:1 დაამარცხა. პაუ ვიქტორმა მატჩში დუბლი შეასრულა, ჯერ 42 წუთზე მოახერხა გოლის გატანა, ხოლო შემდეგ 54-ზე. ნიკო პასმა 82 წუთზე ანგარიშის სხვაობა შეამცირა და მატჩის საბოლოო ანგარიშიც დააფიქსირა.

ჰანსი ფლიკმა ამ გამარჯვებით თავისთვის პირველი ელ კლასიკო მოიგო, როგორც "ბარსელონას" მთავარი მწვრთნელი. პაუ ვიქტორს პრე-სეზონზე სამი გოლი დაუგროვა, აქედან 1 "მანჩესტერ სიტის" წინააღმდეგ, სადაც საუკეთესო ფეხბურთელადაც დასახელდა.

ამერიკაში გამართული შეხვედრებიდან "ბარსელონასთვის" ეს ზედიზედ მეოთხე გამარჯვებაა მადრიდის "რეალის" წინააღმდეგ, პირველად 2017 წელს მაიამიში მოუგო 3:2, შემდეგ 2022 წელს ლას-ვეგასში 1:0 და შარშან დალასში 3:0.