ბარსელონა და ატლეტიკო დეპაის ტრანსფერზე შეთანხმდნენ

ნიდერლანდების ეროვნული ნაკრების შემტევი, მემფის დეპაი კარიერას ,,ატლეტიკოში'' გააგრძელებს. ინფორმაციას იტალიელი ჟურნალისტი, ფაბრიციო რომანო ავრცელებს.

წყაროს ცნობით, ,,ბარსელონასა'' და მადრიდულ გუნდს შორის ტრანსფერზე შეთანხმება ფაქტობრივად მიღწეულია. ,,როხიბლანკო'' ფეხურთელის სანაცვლოდ 3 მილიონ ევროს გადაიხდის.

დეპაის ,,ატლეტიკოში'' გადასვლა სურდა და ნიდერლანდელი კლუბს კონტრაქტის პირობებზე უკვე შეუთანხმდა. მემფისი ახალ გუნდთან 2-წლიან ხელშეკრულებას გააფორმებს.

მიმდინარე სეზონში დეპაის ანგარიშზე ,,ბარსელონას'' მაისურით ჩატარებულ 4 მატჩში 1 გოლია.