ბაიერნს 4 ტრავმირებული მეკარე ჰყავს, მიუნხენელების კარს U19-ის სათადარიგო მეკარე დაიცავს

მიუნხენის ბაიერნს ოთხივე მეკარე ტრავმირებული ჰყავს, მანუელ ნოიერს წვივის კუნთის ტრავმა აქვს, იონას ურბიგს ტვინის შერყევა, ლეონ კლანაკს ბარძაყის კუნთის ტრავმა, ხოლო სვენ ულრაიხმა ბუნდესლიგის გასული ტურის შეხვედრაში, ლევერკუზენის წინააღმდეგ კუნთის ტრავმა მიიღო და მომდევნო მატჩში ისიც ვერ დაეხმარება თავის გუნდს.

გერმანული კლუბი წარმოუდგენელ მდგომარეობაშია, ჩემპიონთა ლიგის 1/8-ფინალური ეტაპის საპასუხო მატჩში, ატალანტას წინააღმდეგ, ბაიერნის ძირითადი შემადგენლობის მეკარე 19-წლამდელთა გუნდის სათადარიგოდან 16 წლის ლეონარდ პრესკოტი იქნება, რადგან ასაკობრივი გუნდის მთავარი მეკარე (ლეონ კლანაკი) როგორც უკვე აღვნიშნეთ დაშავებულია.

ბაიერნი ჩემპიონთა ლიგის 1/8-ფინალური ეტაპის საპასუხო მატჩს 18 მარტს, 23:55 საათზე ატალანტას წინააღმდეგ გამართავს. შეგახსენებთ, რომ პირველი შეხვედრა გერმანელების სასარგებლოდ 6:1 დასრულდა.