აურელიო დე ლაურენტისი: "ფეხბურთი ავად არის"

"სასუოლოსთან" გამანადგურებელი გამარჯვების შემდეგ (1:6) "ნაპოლისთვის" რთული კალენდარი იწყება. 3 მარტს ნეაპოლელები საკუთარ მოედანზე დაუძინებელ მტერს, "იუვენტუსს" მიიღებენ. პირველი წრის შეხვედრაში ტურინელებმა მინიმალური სხვაობით იმარჯვეს, ამიტომ ნაპოლის რევანში აქვს ასაღები, თანაც იმის ფონზე, რომ სასუოლოსთან მათ აშკარად საუკეთესო შეხვედრა ჩაატარეს მიმდინარე სეზონში. მოახლოებული შეხვედრის წინ, ნაპოლის პრეზიდენტმა, ვიქტორ ოსიმენსა და ფეხბურთში არსებულ ფინანსურ დისბალანსზე ისაუბრა.

ნაპოლის პრეზიდენტს ვიქტორ ოსიმენის მომავალთან დაკავშირებითაც დაუსვეს შეკითხვა, მან კი განაცხადა, რომ ყველა ადამიანი ისეთი ერთგული არ არის, როგორც მაგალითად ჰამშიკი, თუმცა ამაში პრობლემას ვერ ხედავს.

ნაპოლი 26 ტურის შემდეგ ცხრილის მე-8 პოზიციას "ლაციოსთან" იყოფს, იუვენტუსი კი 57 ქულით მეორეზეა და ჯერ კიდევ იბრძვის ჩემპიონობისთვის. ბოლო თამაშში ნაპოლის შესანიშნავი გამოსვლა რაიმე დასკვნის საშუალებას არ იძლევა - მეტოქიდან გამომდინარე, თუმცა ცხადია, რომ ძალიან რთული პერიოდის შემდეგ გუნდს განწყობა შეეცვლება. ვიქტორ ოსიმენისა და ხვიჩა კვარაცხელიას წინა სეზონის მსგავსი პერფორმანსი იუვენტუსთან გაცილებით დიდ მოლოდინს ტოვებს, ვიდრე თუნდაც 1 კვირის წინ ვიფიქრებდით.