არტეტა: "ჩემი და გვარდიოლას შემთხვევა ფედერერი/ნადალს ჰგავს"

არსენალის მწვრთნელმა, მიკელ არტეტამ განაცხადა, რომ ტიტულისთვის ბრძოლის ფონზე, პეპ გვარდიოლასთან მისი ურთიერთობის გაუარესება სპორტისთვის ცუდი მაგალითი იქნება და ამის ნაცვლად მიუთითებს ჩოგბურთის გიგანტებს, რაფაელ ნადალსა და როჯერ ფედერერს შორის პატივისცემით სავსე მეტოქეობაზე, რომლებიც ათწლეულების განმავლობაში ერთმანეთს ეჯიბრებოდნენ, მაგრამ კორტის მიღმაც მტკიცე მეგობრობას ინარჩუნებდნენ.

არტეტა და გვარდიოლა პირველად ერთმანეთს „ლა მასიას“ აკადემიაში შეხვდნენ, მაშინ არტეტა 15 წლის იყო, შემდეგ ისინი მანჩესტერ სიტიში 3 წელი მუშაობდნენ ერთად, როგორც მწვრთნელი და ასისტენტი. 2019 წელს, არტეტას არსენალის მწვრთნელად დანიშვნის შემდეგ, ორი კლუბი რეგულარულად პებრძვის ერთმანეთს პრემიერ ლიგის მოსაპოვებლად, სადაც გვარდიოლა, როგორც წესი, გამარჯვებული გამოდის.

როგორც ჩანს, ტიტული ამ სეზონში ან მანჩესტერში დაბრუნდება, ან ჩრდილოეთ ლონდონში. მიუხედავად იმისა, რომ ასტონ ვილა ჯერ კიდევ ბრძოლაშია, არ არსებობს მოლოდინი, რომ კლუბი მაისამდე სიტისთან და არსენალთან ტემპს შეინარჩუნებს. 23 ტურის შემდეგ, არსენალი პირველზეა და სიტის 4 ქულით უსწრებს.