გვარდიოლა: "სიტუაციას ჩვენ აღარ ვაკონტროლებთ"

მანჩესტერ სიტის მწვრთნელი, პეპ გვარდიოლა იმედგაცრუებულია იმის გამო, რო პრემიერ ლიგის ტიტულისთვის ბრძოლაში, საკუთარ ბედს ვეღარ აკონტროლებს. ევერტონთან სტუმრად, 3:3 დასრულებული მატჩის შემდეგ, სიტი ლიდერ არსენალს ხუთი ქულით ჩამორჩება, 'მეთოფეებს' ახლა მნიშვნელოვანი ფსიქოლოგიური და მათემატიკური უპირატესობა აქვს. მანჩესტერელებს ერთი მატჩით ნაკლები აქვთ ჩატარებული და საუკეთესო შემთხვევაში, არსენალი მათზე 2 ქულით წინაა.

არსენალს, პრემიერ ლიგის ბოლომდე, 3 მატჩის ჩატარება დარჩა, ხოლო სიტის - 4. იმ შემთხვევაში, თუ გუნდები 38 ტურს თანაბარი ქულებით დაასრულებენ, პრიორიტეტი გატანილი და გაშვებული ბურთების სხვაობას მიენიჭება. ამ დროისთვის, არსენალს უკეთესი ბალანსი აქვს (+4).