არგენტინამ პერუ მესის დუბლით დაამარცხა

მსოფლიო ჩემპიონატის საკვალიფიკაციო ეტაპის, სამხრეთ ამერიკის ზონის შეხვედრაში პერუსა და არგენტინის დაპირისპირება შედგა. ლიმაში, ეროვნულ სტადიონზე გამართული მატჩი, მასპინძლების მარცხით 0:2 დასრულდა.

პერუს კარში გატანილი ორივე გოლის ავტორი ლეო მესი გახდა, რომელმაც მორიგი ბრწყინვალე მატჩი ჩაატარა და "ალბისელესტეს" გამარჯვებაში ლომის წილი შეიტანა.

აღსანიშნავია, რომ 57-წუთზე მესიმ მესამე გოლიც გაიტანა, რომელიც თამაშგარე მდგომარეობის გამო გაუქმდა.

4 ტურის შემდეგ, სამხრეთ ამერიკის საკვალიფიკაციო ეტაპს არგენტინა ლიდერობს. "ალბისელესტემ" ოთხივე მატჩის მოგება შეძლო გატანილი და გაშვებული ბურთების თანაფარდობა კი 7:0-ზეა.