ანჩელოტი სასამართლო დარბაზში მივიდა - მას 4 წლითა და 9 თვით პატიმრობა ემუქრება

ლეგენდარული მწვრთნელი - კარლო ანჩელოტი, ესპანეთის სასამართლოში მივიდა. ამ ფაქტის გამო, მთელი ესპანური პრესა აჭრეულებულია და მთელი ყურადღება სწორედ იტალიელი მწვრთნელისკენ არის მიმართული.

საქმე გადასახადების დამალვას ეხება. როგორც ცნობილი ხდება, 65 წლის იტალიელი თავკაცის მიმართ საქმე თაღლითობას ეხება, უფრო კერძოდ კი მისმა საგადასახადო დავალიანებამ €1 მილიონ 217 958 ევრო შეადგინა - გარდა ამისა, იგი €250 000 ათასი ევროთია დაჯარიმებული, რასაც პროცენტის სახით კიდევ €48 000 ევრო დაემატება.

კარლო ანჩელოტის 2014/2015 წლებში სახელმწიფოს წინაშე ჩადენილ ორ დანაშაულებრივ საქმეზე ედავებიან და ჯამში 3 მილიონი ევროს გადახდა მოუწევს, რაც საბრალდებო დასკვნაშიც არის მითითებული.

კარლო ანჩელოტის ესპანეთის საგადასახადო რეზიდენტის სტატუსი დაუდასტურდა და მის მიერ დეკლარაციაში მითითებული ინფორმაციებიც სიმართლეს შეესაბამება, იტალიელის წინააღმდეგ ეჭვები მაინც არსებობს, რის გამოც სასამართლოს მიმართეს.

საქმის პროკურორის განცხადებით, კარლო ანჩელოტიმ თავის დროზე შემოსავლების გრაფაში მხოლოდ ის თანხა მიუთითა, რასაც "სამეფო კლუბისგან" ხელფასის სახით იღებდა, საიმიჯო უფლებების გაყიდვით მითებული ფული კი დამალა.

დანაშაულის დამტკიცების შემთხვევაში, ლეგენდარულ "პაპა კარლოს" 4.9-წლიანი სასჯელი ემუქრება.