'ამაყი ვარ, რომ ლიგა 1-ში გხედავთ, ძმებო' - მიქაუტაძე მეცთან თამაშს გამოეხმაურა

ლიგა 1-ის მეორე ტურში ლიონმა საკუთარ მოედანზე მეცი 3:0 დაამარცხა. მატჩში მონაწილეობა 3-მა ქართველმა მიიღო, რაც უპრეცედენტო შემთხვევაა საფრანგეთის ჩემპიონატში. გიორგი მიქაუტაძე, გიორგი წიტაიშვილი და გიორგი აბუაშვილი ძირითად შემადგენლობაში იყვნენ. ლიონის ფორვარდმა ბოლომდე ითამაშა, წიტაიშვილი და აბუაშვილი კი 62-ე წუთზე, ერთად შეცვალეს.

ლიონმა ჩემპიონატის ორივე მატჩი მოიგო, მეცმა კი ორივე დათმო. მიქაუტაძის გუნდი მომავალ ტურში მარსელს მიიღებს, მეცი კი პარიზთან გასვლაზე ითამაშებს.