'აკრძალულ ადგილას არ შესულა' - MLS მესის არ დასჯის

MLS-ის მოქმედმა ჩემპიონმა, ინტერ მაიამიმ, სეზონი მძიმე მარცხით დაიწყო. ლოს ანჯელესში, "მემორიალ კოლიზეუმზე“ შეკრებილმა 75 000-მა მაყურებელმა, საკუთარი გუნდის ბრწყინვალე გამარჯვება იხილა (3:0).

თამაშის დასრულებიდან მალევე გავრცელდა ვიდეო, სადაც ჩანს, რომ მესი, როგორც ჩანს, ოფიციალური პირების გასახდელში შესვლას ცდილობს და თანაგუნდელი ლუის სუარესის მას აკავებს. მესი მსაჯობით იყო უკმაყოფილო და ამას პირადად არბიტრებთან გამოხატავდა.

MLS-ის ოფიციალურმა პირებმა დაადასტურეს, რომ მესი არანაირ არაავტორიზებულ ადგილას არ შესულა და რომ კარი, რომელშიც ის შევიდა, არ იყო მსაჯის გასახდელი ან შეზღუდული ზონა.

პროფესიონალი მსაჯების ორგანიზაციის კომუნიკაციების დირექტორმა, კრის რივეტმა, მხარი დაუჭირა მესის და განაცხადა, რომ არგენტინელი გასახდელში არ შესულა - "მატჩის ოფიციალურ პირებთან საუბრის შემდეგ, შეგვიძლია დავადასტუროთ, რომ ის არ შესულა ისეთ ადგილას, რასაც ჩვენი ლიგის პოლიტიკა კრძალავს".

მესი და ინტერ მაიამი მოედანზე 1-ელ მარტს დაბრუნდებიან, ისინი სეზონის მეორე მატჩში ორლანდო სიტის ესტუმრებიან.