ადიდასმა მესის 8 ოქროს ბეჭედი აჩუქა | რა მნიშვნელობა აქვს თითოეულს

ლეო მესის ადიდასმა მე-8 ოქროს ბურთის მოგება განსხვავებულად მიულოცა. 8 ოქროს ბეჭედი სხვადასხვა მნიშვნელობებით, თითოეულ მათგანზე ლეგენდარული არგენტინელი ფეხბურთელის კარიერის მნიშვნელოვანი დეტალებია გამოსახული.

1. 2009 წელი - გოლის აღნიშვნა ჩემპიონთა ლიგის ფინალში მანჩესტერ "იუნაიტედის" წინააღმდეგ.

2. 2010 წელი - აღნიშვნა ბებიის საპატივსაცემოდ.

3. 2011 წელი - The GOAT ლოგო მესამე ოქროს ბურთისთვის

4. 2012 წელი - ისტორიული შედეგი. 1 წელიწადში ყველაზე მეტი რეკორდული 91 გოლი.

5. 2015 წელი - 4 ჩემპიონთა ლიგის თასი.

6. 2019 წელი - რეკორდული 6 ოქროს ბუცი.

7. 2021 წელი - არგენტინის ეროვნული ემბლემა, მას შემდეგ რაც მესიმ მოიგო თავისი პირველი სანაკრებო ტიტული, კოპა ამერიკა.

8. 2023 წელი - ვარსკვლავის ლოგო, მსოფლიო ჩემპიონატის მოგებისთვის.

ადიდასი ოქროს ბეჭდების ვიდეოსაც აქვეყნებს. სპორტული ბრენდი ლეო მესის სპონსორი 2006 წლიდან არის, აღწერაში კი ლეგენდარულ ფეხბურთელს ადიდასმა ასეთი სიტყვები მიუძღვნა: "უთვალავი მოგონება, რვა ბეჭედი, ნულოვანი ეჭვი".