Belive

15-წლიანი ეპოქის დასასრული | იკერ მუნიაინი სეზონის ბოლოს ბილბაოს დატოვებს

4 კვირის წინ ფეხბურთი
1 წთ

31 წლის ლეგენდარული ბასკი - იკერ მუნიაინი, სეზონის ბოლოს მშობლიური კლუბს დატოვებს, კლუბს რომელსაც მან მთელი ცხოვრება დაუთმო და 19 წელიც გაატარა, აქედან 4 ახალგაზრდულ კლუბში, ხოლო 15 წელი კი პირველ გუნდთან ერთად.

მუნიაინმა კლუბის დატოვება ბედნიერ ნოტაზე გადაწყვიტა, რადგან მათ რამდენიმე კვირის წინ ესპანეთის თასი მოიგეს - თასი კი სწორედ კაპიტანმა, იკერ მუნიაინმა აღმართა და აღნიშნა, რომ ის დღე მის კარიერაში საუკეთესო მოგონება იყო.

იკერ მუნიაინი "ბილბაოს" ძირითადი კლუბის ღირსებად 2009/2010 წლებიდან იცავდა, საიდანაც მან დღემდე ბასკური კლუბის მაისურით 557 მატჩი ჩაატარა. მის ანგარიშზე კი 75 გატანილი გოლი და 79 შესრულებული საგოლე გადაცემაა.

ასევე აღსანიშნავია ის ფაქტი, რომ იკერ მუნიანი "ბილბაოს" ისტორიაში მეორე ყველაზე მეტი მატჩის ჩამტარებელი ფეხბურთელია.

ბილბაო გაავრცელა განცხადება, სადაც ნათქვამია, რომ სეზონის ბოლოს იკერ მუნიაინს მთელი ქალაქი ერთად გააცილებს და მას გრანდიოზულ გაცილების ცერემონიალს მოუწყობენ.

სხვა სტატიები