"ჩვენ ზეწოლას არ ვგრძნობთ" - ზივზივაძე და კაკაბაძე თურქებთან ინტერვიუში

18 ივნისს ჩვენი ქვეყნის ნაკრებისთვის ისტორიული მატჩი ჩატარდება. სადებიუტო ევროზე საქართველო პირველ შეხვედრას თურქეთის ნაკრების წინააღმდეგ ჩაატარებს. მანამდე, თურქული მედიის, milliyet- ის ჟურნალისტები საქართველოს ვარჯიშზე ესტუმრნენ და რამდენიმე ფეხბურთელისგან ინტერვიუც აიღეს.

თურქი ჟურნალისტის მიერ საქართველოს ნაკრების ზოგადი შეფასება:

"უპირველეს ყოვლისა, საქართველოს ნაკრები ძალიან კომფორტულ სიტუაციაშია... მათ უკვე მიაღწიეს დიდ წარმატებას, ამიტომ ისინი არ გრძნობენ ზეწოლას.

მათი ტაქტიკური განლაგება არის 3-5-2. დაცვაში 5-კაციანი დაცვის ხაზია. გუნდის ვარსკვლავი კვარაცხელიაა... გარდა კლასიკური ფლანგური ზონისა, ფეხბურთელი ეროვნულ ნაკრებში ცენტრთან ახლოსაც თამაშობს და ცდილობს გუნდს პასების გადანაწილებით ეფექტი გაუზარდოს. დისციპლინირებული გუნდია - ასე გავიდა პირველი გოლი მონტენეგროსთან ამხანაგურ მატჩში".

თურქულ მედიას ესაუბრა საქართველოს ნაკრების მარჯვენა მცველიც, ოთარ კაკაბაძე, რომელმაც ჯგუფის ფავორიტი დაასახელა და გასვლის შანსები შეაფასა.

ჩვენს ჯგუფში პირველ შეხვედრებში ერთმანეთს საქართველო თურქეთს, ხოლო ჩეხეთი პორტუგალიას დაუპირისპირდება. 18 ივნისს საქართველოს ნაკრების მატჩი ქალაქ დორტმუნდში, ზიგნალ იდუნა პარკზე გაიმართება.