ბელგიამ ევროპის ჩემპიონატისთვის შემადგენლობა დაასახელა

ბელგიის ეროვნულმა ნაკრებმა ევრო 2024-სთვის შემადგენლობა დაასახელა, მთავარმა მწვრთნელმა დომენიკო ტედესკომ გერმანიაში ჩასატარებელ ევროპის ჩემპიონატზე 25-კაციანი სია დაადასტურა. აღსანიშნავია, რომ ნაკრებში ვერ მოხვდა ტიბო კურტუა, რომელმაც სეზონის უმეტესი ნაწილი მუხლის ტრავმის გამო გამოტოვა და მხოლოდ ახლახანს დაუბრუნდა სათამაშო ფორმას.

ბელგიის ნაკრების სრული შემადგენლობა ასე გამოიყურება:

მეკარე: კოენ კასტელსი ("ვოლფსბურგი"), ტომას კამინსკი ("ლუტონ თაუნი"), მატც სელსი ("ნოტინგემ ფორესტი").

მცველები: ტიმოთი კასტანი ("ფულჰემი"), ზენო დებასტი ("ანდერლეხტი"), მაქსიმ დე კუიპერი ("ბრიუგე"), ვოუტ ფაესი ("ლესტერ სიტი"), ტომას მუნიე ("ტრაბზონსპორი"), არტურ ტეატე ("რენი"), იან ვერტონგენი ("ანდერლეხტი")

ნახევარმცველები: კევინ დე ბრუინე ("მანჩესტერ სიტი"), ორელ მანგალა ("ლიონი"), ამადუ ონანა ("ევერტონი"), იური ტილემანსი ("ასტონ ვილა"), არტურ ვერმერენი ("ატლეტიკო მადრიდი"), ასტერ ვრანკქსი ("ვოლფსბურგი"), აქსელ ვიტსელი ("ატლეტიკო მადრიდი")

თავდამსხმელები: იოჰან ბაკაიოკო ("პსვ"), იანიკ კარასკო ("ალ შაბაბი"), შარლ დე კეტელარე ("ატალანტა"), ჟერემი დოკუ ("მანჩესტერ სიტი"), რომელუ ლუკაკუ ("რომა"), დოდი ლუკებაკიო ("სევილია"), ლოი ოპენდა ("ლაიფციგი"), ლეანდრო ტროსარი ("არსენალი")

ბელგია E ჯგუფშია უკრაინასთან, სლოვაკეთთან და რუმინეთთან ერთად.

ისინი ტურნირს სლოვაკეთის წინააღმდეგ 17 ივნისს დაიწყებენ, 22 ივნისს რუმინეთის წინააღმდეგ იასპარეზებენ, ხოლო 26 ივნისს უკრაინას შეხვდებიან.

ბელგიის ეროვნული ნაკრები მოსამზადებელი ეტაპის ფარგლებში მონტენეგროსთან ამხანაგურ შეხვედრას ჩაატარებს, რომელიც 5 ივნისს გაიმართება, ხოლო 8 ივნისს ლუქსემბურგს დაუპირისპირდება.