წლის შემაჯამებელ ტურნირზე მოთამაშე რვა ჩოგბურთელი ცნობილია

2024 წლის სეზონის შემაჯამებელი ტურნირის მონაწილეები ცნობილია. დღეს ნოვაკ ჯოკოვიჩმა სოციალურ ქსელში განაცხადა, რომ შეჯიბრს ტრავმის გამო გამოტოვებს. კასპერ რუდმა, ალექს დე მინორმა და ანდრეი რუბლევმა მოიპოვეს ბოლო სამი ადგილი ტურნირზე, რომელიც ტურინში, ინალპი არენაზე, 10 ნოემბრიდან 17 ნოემბრამდე ჩატარდება.

ვარსკვლავები კორტზე იანიკ სინერს, ალექსანდრ ზვერევს, კარლოს ალკარასს, დანილ მედვედევსა და ტეილორ ფრიცს შეუერთდებიან. Nitto ATP-ის ფინალურ ეტაპზე ეს დე მინორის დებიუტი იქნება. ის გახდება პირველი ავსტრალიელი მოთამაშე, რომელიც შემაჯამებელზე იასპარეზებს მას შემდეგ, რაც 2004 წელს აქ ლეიტონ ჰიუიტმა ითამაშა. რუბლევი ტურნირზე ზედიზედ მეხუთედ მოხვდა, ის ბოლოს ლონდონში ჩატარებულ შეჯიბრზეც იყო და მას შემდეგ ტურინში გამართულ 4-ვე ღონისძიებაზეც.

წლევანდელი Nitto ATP Finals-ის საპრიზო ფონდი $15,25 მილიონ დოლარს შეადგენს. ერთეულთა ჩემპიონს ექნება შანსი მიიღოს რეკორდული $4,8 მილიონი - ყველაზე დიდი პრიზი მამაკაცთა ტურნირზე - თუ ის ჩემპიონი წაგების გარეშე გახდება.