ნოვაკ ჯოკოვიჩი მაიამის მასტერსის ფინალში გავიდა

მაიამის 1000-ქულიანი უძველესი მასტერსის (1990 წლიდან ტარდება) ნახევარფინალში, ნოვაკ ჯოკოვიჩმა გრიგორ დიმიტროვი 2 სეტში (6:2 | 6:3) დაამარცხა და ფინალში გავიდა. ლეგენდარულ სერბს კარიერაში 99 ტიტული აქვს და მხოლოდ ერთი აკლია 100-იან ნიშნულამდე, ფინალის მოგების შემთხვევაში, ის რეკორდულად, მეშვიდედ გახდება მაიამის მასტერსის გამარჯვებული.

აღსანიშნავია, რომ ჯოკოვიჩმა დიმიტროვს ზედიზედ მე-11 შეხვედრა მოუგო, საერთო ჯამში, მათ შორის ანგარიში კი 13:1-ია. 70-წუთიანი ბრწყინვალე თამაში ნოვაკმა ლეო მესის, ვენუს უილიამსისა და ხუან მარტინ დელ პოტროს თვალწინ ჩაატარა.

ჯოკოვიჩის ოპონენტი ჩეხ იაკუბ მენშიკსა და ტეილორ ფრიცს შორის გამარჯვებული იქნება.