საქართველოს ნაკრებმა ბილი ჯინ კინგის თასზე კოსოვო დაამარცხა

პორტუგალიის ქალაქ ოეირასში მიმდინარე “ბილი ჯინ კინგ თასის” ტურნირზე, საქართველოს ქალ ჩოგბურთელთა ნაკრებმა მორიგი - რიგით მე-4 გამარჯვება მოიპოვა. ირლანდიის (2:1), სამხრეთ აფრიკის (3:0) და ლიეტუვას (2:1) ბარიერის გადალახვის შემდეგ, საქართველოს ნაკრებმა კოსოვოც დაამარცხა (3:0).

• საქართველოს ნაკრების პირველი გამარჯვება ბილი ჯინ კინგის თასზე
• საქართველოს ნაკრებმა ბილი ჯინ კინგის თასზე მეორე გამარჯვება მოიპოვა
• საქართველოს ნაკრებმა ბილი ჯინ კინგის თასზე მესამე გამარჯვება მოიპოვა

ერთეულთა თანრიგის პირველ დაპირისპირებაში სოფია შაფათავამ ადრიანა ლეკაი 2-სეტში (6:2, 6:1) დაამარცხა. მატჩი შაფათავას სრული დომინირებით მიმდინარეობდა და ლოგიკური შედეგით დასრულდა.

ერთეულთა თანრიგის რიგით მე-2 შეხვედრაში, ეკო გორგოძე არლინდა რუშიტის დაუპირისპირდა. გორგოძემ მეტოქეს შანსი არ დაუტოვა და 2-სეტში დაამარცხა (6:1, 6:2).

მესამე შეხვედრა წყვილთა თანრიგში შედგა. ნათელა ძალამიძისა და ოქსანა კალაშნიკოვას დუეტი აია ბროქისა და ფორტა მორინას წყვილს დაუპირისპირდა. მატჩი ამ შემთხვევაშიც საქართველოს ნაკრების სრული დომინირებით წარიმართა და 2-სეტში (6:1, 6:1) დასრულდა.

შეგახსენებთ, რომ B-ჯგუფის დასკვნით შეხვედრაში საქართველოს ქალ ჩოგბურთელთა ნაკრები ესტონეთს დაუპირისპირდება. A და B-ჯგუფების საუკეთესოები I ჯგუფში გადასასვლელ პლეი-ოფში თამაშის უფლებას მოიპოვებენ.