რეკორდი მოხსნილია - ჯოკოვიჩმა ჩოგბურთის ისტორიაში მორიგი გენიალური მიღწევა დააფიქსირა

ბოლო რამდენიმე თვის განმავლობაში, ნოვაკ ჯოკოვიჩმა არაერთი საჩოგბურთო რეკორდი მოხსნა, ერთ-ერთი იყო ის ფაქტი, რომ იგი 200 კვირაზე მეტია მსოფლიოს პირველი ჩოგბურთელია და ეს აქამდე არავის გაუკეთებია.

თუმცა ნოვაკი ამ ყველაფერს არ დასჯერდა და ის მორიგ ისტორიულ რეკორდს აფიქსირებს - ნოვაკ ჯოკოვიჩი ჩოგბურთის ისტორიაში ყველაზე ხანდაზმული მოთამაშეა (36 წლის და 321 დღის), რომელიც ATP-ის რეიტინგში პირველ პოზიციას იკავებს. სერბმა ტერმინატორმა გენიალური როჯერ ფედერერის რეკორდი მოხსნა (36 წლის და 320 დღის).

ეს საჩოგბურთო რეკორდია, როგორც კაცებში ასევე ქალებში - ქალებში რეკორდი სერენა უილიამსს ეკუთვნის, რომელიც რეიტინგის სათავეში 35 წლისა და 230 დღის ასაკში იდგა.

ზოგადად, 30 წლის ასაკში მსოფლიოს პირველი ნომერი სულ რამდენიმე ჩოგბურთელი ყოფილა.

• ჯოკოვიჩი (36 წლის)

• ფედერერი (36 წლის)

• ანდრე აგასი (33 წლის)

• რაფაელ ნადალი (33 წლის)

• ჯონ ნიუკომბი (30 წლის)

• ჯიმი კონორსი (30 წლის)

• ივან ლედლი (30 წლის)

• ენდი მიურეი (30 წლის)